శ్రీ కృష్ణ చరితే చతుర్వ్యూహ వర్ణనము వ్యాసుడిట్లనియె:- సురేశ్వరునికి సృష్టికారణునకు విష్ణువునకు పురాణపురుషునకు చతుర్వ్యూహ స్వరూపుడైన నిర్గుణ స్వరూపునకు గుణరూపునకు సర్వాధికునకు యజ్ఞాంగ స్వరూపునకు సర్వాంగునకు నమస్కారము. ఎవనికంటె అణువైన వస్తువు ఎవనికంటె పెద్దదైన వస్తువులేదో, జననములేని ఎవ్వనిచేత విశ్వము వ్యాప్తమైనదో, పుట్టుట గిట్టుట దృశ్యమగుట అదృశ్య మగుటయను లక్షణములచే విలక్షణమైన చరాచర విశ్వవ్యాప్తమైన వానినిగా దెలుపుదురో,ఎవనివలన జగత్తు పుట్టినది నశించునదియని…

హరియంశావతార వర్ణనము వ్యాసుడిట్లనియె. భూభారము హరింప నీ భారతవర్షమందు హరి అవతరించిన వృత్తాంతము తెలిపెద. ఓ మునివరులార వినుండు. ధర్మహ్రాసము అధర్మాభివృద్ది అయినతఱి జనార్దనుడు తన మూర్తిని రెండువిధములొనర్చికొని సాధురక్షణకు ధర్మస్థాపనకును దుష్టుల దేవద్వేషుల నిగ్రహమునకును యుగయుగమందు ఉదయించును. మున్నీ భూమి బహుభార పీడితమై మేరువునందున్న దేవసమాజమున కేగి బ్రహ్మాది దేవతలకు మ్రొక్కి తన కష్టము నిట్లు మొఱవెట్టు కొనెను. …

శ్రీ కృష్ణ జన్మ కథనము వ్యాసులిట్లనియె. జగత్కర్త్రియైన ఆ విష్ణుమాయ దేవదేవుడు చెప్పినట్లు దేవకి ఆరుకాన్పులనొనరించి తరువాతి గర్భమును ఆకర్షించెను. ఈ తరువాత దేవకీ గర్భమందు హరి ప్రవేశించెను. అదే సమయమున యోగనిద్ర యశోద ఉదరమందు బ్రహ్మ చెప్పిన విధముగా జనించినది అంతట గ్రహములు శుభస్థానములందు సంచరించినవి. విష్ణ్వంశము భూమియందవతరించు సమయమున ఋతువులు సుశోభనమయ్యెను. దేవకి ముఖకాంతి అతిశయించి ఆమెవంక జూచుటకు నెల్లరకు నశక్యమయ్యెను.…

బృందావన గమనము వ్యాసులిట్లనిరి. వసుదేవుడు కారాగృహముక్తినంది నందుని బండియెక్కి నాకు పుత్రుడు గల్గినాడని ఆనంద భరితుడగు చున్న నందుని జూచెను. మరియు అతనితో నాదరము గొని నీకి వార్థకమందు పిల్లవాడు గల్గినాడు. రాజునకు మీరేటేట జెల్లింపవలసిన పన్ను గట్టుటకు వచ్చియది చెల్లింపబడెగదా వచ్చినపనియైనది. శీఘ్రముగ గోకులమున కేగుడు నాకు అక్కడ రోహిణియందు శిశువు పుట్టినవాడు మీ బిడ్డనట్లు వానిని తమరు…